السلام عليكم ورحمه الله وبركاته
.."))
عايزه اقولكم علي شويه حاجات اتعلمتهم بيساعدوني على الخشوع في الصلاة 🥺
1- درست تفسير سورة الفاتحة
يا الله على كمية الخشوع لما تفهم كل آية كده 🥺
2- عرفت اني مينفعش اقول الله أكبر واصلي علي طول ، لا بقول الله أكبر ، وارفع ايدي الاتنين واقول :
" اللهم باعد بيني وبين خطاياي كما باعدت بين المشرق والمغرب " 🥺
3- اتعلمت دعاء حلو اوي كان الرسول ﷺ بيقوله ف الركوع :
" سبحان ربي العظيم " ٣
بعدين ..
اللهم لكَ ركعت ، وبكَ آمنت ، وعليكَ توكلت ، خشع لكَ سمعي وبصري ومخي وعظمي
خشوع جميل وانتِ بتقوليه كل مرة 🥺
كمان نقول سبوح قدوس ربُّ الملائكه والروح
4- اصلي بالسوره اللي انا فيها ، بدل ما نصلي بـ قِصار السور كل شويه ، كمان هيساعدك متنسيش الحفظ بتاعك عن تجربه 🥺
5- الاطمئنان قدر الامكان
يعني مصليش بسرعة ، واعطي كل ركن حقه ده بيساعد علي الخشوع اكتر 🥺
6- الاستعطار والتطيب
شاور جميل كده
والاوضة تكون مترتبه
واكون في أبهي صورة
والحجاب يكون ثابت عشان متلغبطش 🥺
7- الصلاة في مكان خافت الاضاءة وهادي ، وطراوة كده ده بيساعد علي الخشوع اوي 🥺
8- تقسيم الدعوات علي ٤ في السجود
السجدة الاولى بشكر الله على نعمه وادعي للمسلمين
السجدة التانية بدعي لأهلي
السجدة التالتة بدعي لصحابي ، ولمن اوصاني بالدعاء لان دي امانه
السجدة الرابعة بدعي لنفسي ف اول سجدة دعوات اخروية وتاني سجدة ف الركعة الاخيره دعوات دنيوية 🥺
وانا ساجده بقول سجد وجهي للذي خلقهُ وشق سمعهُ وبصرهُ بحولهِ وقوتهِ فتبارك الله احسن الخالقين
9- التحيات وانا بقولها اتخيل اني بلقي السلام بجد...!
- التحيات لله والصلوات والطيبات السلامُ عليكَ أيها النبي ورحمة الله وبركاته ، السلامُ علينا وعلى عباد الله الصالحين
وارفع اصبع السبابة وانا بقول : اشهدُ أن لا إله إلا الله وأن محمدًا رسول الله وقبل التسليم اقول اللهم إني اعوذ بك من فتنه المحيا والممات وفتنه المسيح الدجال 🥺
10- بستشعر عظمة الله قدامي واتخيل اني بسجد لله ، وبركع لله وعظمة إن الله عز وجل يكون شايفني وسامعني .. شعور تاني بجد 🥺
عشان كده الصلاة صلة بين العبد وربه .. انتِ متخيله ان كل ما الاذان يأذن يعني كده معاد مقابلتك مع المَلِك !!
شعور مهيب صح ؟ 🥺
والنصيحة الأخيرة
خليكِ دايما علي وضوء
الرئيسية 
